Legal Terms :: Ndịàmà Jehova

Ihe Ndị Ị Ga-eme na Ihe Ndị Ị Na-agaghị Eme

Anyị Na-anabata Gị!

E mepere jw.org ka o nyere gị aka ịmụtakwu gbasara Chineke, Baịbụl, na Ndịàmà Jehova. N’ihe ndị dị ebe a, gụọ, kirie, ma ọ bụ danloduo nke ọ bụla dị gị mma. Anyị chọrọ ka jw.org bakwaara ndị ọzọ. Ma, biko ewerela ihe dị na ya gaa tinye n’ebe ndị na-edewe ihe n’Ịntanet. I nwere ike ịgwa ndị ọzọ ihe ị mụtara na jw.org. Otú i nwere ike isi eme ya bụ ịgwa ha ka ha gaa na ya otú ahụ e kwuru ya n’okpuru ebe a.

Ikike Ịgbanwe Ihe
Ihe Ụlọ Ọrụ Nwe
Ihe Ị Ga-eme na Ihe Ị Na-agaghị Eme Nakwa Ikike I Nwere Ịbanye na Jw.org
Ihe Gbasara Ọrịa
Ihe Ndị Aka Anyị Na-adịghị na Ha
Ịda Iwu Gbasara Ihe Ndị Ị Ga-eme na Ihe Ndị Ị Na-agaghị Eme
Ịgbanwe Ihe
Ihe Gbasara Iwu
Ihe Ga-eme ma A Kagbuo Ihe Ụfọdụ
Nkwekọrịta A Niile

Ikike Ịgbanwe Ihe

© 2025 Watch Tower Bible and Tract Society of Pennsylvania, Inc. All rights reserved. Ọ bụ Watchtower Bible and Tract Society of New York, Inc (“Watchtower”) nwe Jw.org. Ọ bụkwa ha na-elekọta ya. Ọ gwụkwala ma è dere aha ndị ọzọ, ọ bụ Watch Tower Bible and Tract Society of Pennsylvania (“Watch Tower”) nwe ihe niile dị na Jw.org.

Ihe Ụlọ Ọrụ Nwe

Ọ bụ ndị Adobe Systems Incorporated nwe akara e ji mara Adobe, Acrobat, na akara e ji mara Acrobat. Ọ bụ ndị Apple Inc. nwe iTunes na iPod. Ọ bụkwa ndị Microsoft Inc. nwe Microsoft, akara e ji mara Microsoft, na aha ihe ọ bụla ọzọ ndị Microsoft mepụtara, ma Microsoft Office ma Microsoft Office 365. E nwee ihe ọ bụla ọzọ ụlọ ọrụ ndị ọzọ nwe, anyị ga-edekwa aha ihe ahụ na ndị nwe ha nakwa akara e ji mara ha.

Ihe Ị Ga-eme na Ihe Ị Na-agaghị Eme Nakwa Ikike I Nwere Ịbanye na Jw.org

Iwu ndị e nyere ebe a bụ ihe ị ga-eme na ihe ị na-agaghị eme na jw.org. Ị banye n’akaụnt gị mee ihe ọ bụla na ya, ọ pụtara na i kwetara ihe niile e kwuru n’Ihe Ndị Ị Ga-eme na Ihe Ndị Ị Na-agaghị Eme na jw.org. Ọ bụrụ na e nwere nke ị na-ekwetaghị n’ime ihe ndị a, ejikwala jw.org eme ihe ọ bụla. Olee ihe ndị ị na-ekwesịghị ime na jw.org? N’ihi ihe ndị a machibidoro iwu n’okpuru ebe a, i nwere ike:

Isi na kọmputa gị mepee ihe Watch Tower sere, akwụkwọ ha, egwú ha, foto, ihe ha dere ma ọ bụ vidio. I nwekwara ike ịdanlodu nke ọ bụla, gụọ ya ma ọ bụ lee ya. Ma ejila ya achụ nta ego.
Izigara onye ọzọ ihe i si na jw.org danloduo, ma ọ̀ bụ vidio ma ọ bụ ihe a na-egere egere, ma ọ bụkwanụ gị ezigara onye ahụ ebe ọ ga-esi mepee ya na jw.org.

I kwesịghị:

Itinye ihe ị danloduru na jw.org n’Ịntanet ma ọ bụ n’ihe yiri ya, bụ́ ebe ndị mmadụ na-anọ ekerịta ihe ha danloduru. Ihe ahụ nwere ike ịbụ akwụkwọ, akara e ji mara jw.org, egwú, foto, vidio ma ọ bụ ihe e dere ede.
Itinye ihe e sere ese, akwụkwọ, akara e ji mara jw.org, egwú, foto, ihe e dere ede, ma ọ bụ vidio si na jw.org ná ngwá ọrụ ọ bụla a na-etinye na kọmputa ma zigara ya onye ọzọ.
Isegharị ihe e sere na jw.org ma ọ bụ mepụtaghachi akwụkwọ, akara e ji mara jw.org, egwú, foto, ihe e dere ede, ma ọ bụ vidio ma zigara ya onye ọzọ ka o jiri chụọ nta ego.
Imepụta ngwá ọrụ kọmputa ọ bụla a rụrụ ka o nwee ike iwere ihe ọ bụla dị na jw.org na-arụ ọrụ. (Ọ pụtaghị na ị gaghị ezigara ndị ọzọ ihe ga-enyere ha aka ịdanlodu ihe dị na jw.org, dị ka EPUB, PDF, MP3, and MP4.)
Iji jw.org na-eme ihe ị na-ekwesịghị ime, dị ka ịbanye n’ebe ị na-ekwesịghị ịbanye ma ọ bụ isi n’ụzọ ọzọ na-abụghị ihe e kwuru ebe a banye na ya.
Iji jw.org eme ihe ọ bụla nwere ike ịkpata nsogbu ma ọ bụ mebie ihe dị na jw.org ma ọ bụkwanụ mee ka ndị na-abanye na ya ghara inwe ike ime otú ahụ, ma ọ bụ si na ya gwuo wayo ma ọ bụ ihe ọ bụla ọzọ bụ́ ịda iwu.
Iji jw.org ma ọ bụ ihe e sere na ya, akwụkwọ dị na ya, egwú, foto, ihe e dere ede ma ọ bụ vidio mee ihe ọ bụla gbasara ịzụ ahịa.

Ihe Gbasara Ọrịa

Ihe e kwuru ebe a bụ naanị iji mee ka ị mata ihe ụfọdụ. Anyị anaghị agwa gị ihe ị ga-eme ma ị rịawa ọrịa ma ọ bụ gwawa gị mee nke a na nke ọzọ kama ịga hụ dọkịta ma ọ bụ gawa ụlọ ọgwụ. Anyị agaghị agwa gị otú a ga-esi lee gị ahụ́, ụdị ndị dọkịta ị ga-aga hụ, ụdị ọgwụ ị ga-aṅụ, ma ọ bụ otú a ga-esi gwọọ gị ọrịa. I nwee ajụjụ ọ bụla gbasara ọrịa ma ọ bụ otú e si agwọ ya, gaa hụ dọkịta ka ọ kọwaara gị ihe ọ bụla ị chọrọ ịma. A na-agbalịsi ike ka ihe e tinyere ebe a bụrụ eziokwu na ihe dabara adaba n’ihe a na-ekwu ugbu a gbasara ọrịa. Ma, anyị anaghị ekwe gị nkwa ọ bụla pụrụ iche gbasara ya. Ihe anyị na-ekwu ebe a bụ na aka anyị adịghị n’ikwe ụdị nkwa ahụ ma ọ bụ ikwu na ihe ọ bụla e kwuru ebe a ga-adabarịrị adaba mgbe niile. Jw.org anaghị ekwe gị nkwa na a gaghị agbanwe ihe e kwuru na ya gbasara ọrịa, ma ọ bụ na ọ ga-aba uru mgbe niile ma ọ bụkwanụ na ọ bụ o kwuchaa o bie n’ihe gbasara ọrịa. Anyị anaghị ekwe gị nkwa na anyị agaghị edehie ihe ọ bụla ma ọ bụ na anyị ga-ederịrị ihe niile ị chọrọ ka e dee. I mee ihe e kwuru ebe a gbasara ọrịa, ị ga-eji isi gị buru ihe ọ bụla si na ya pụta. O nweghị mgbe ị ga-agbawa jw.org akwụkwọ maka ihe ọ bụla si na ya pụta. Ị gaghịkwa asị anyị kwụọ gị ụgwọ ego ọ bụla i mefuru ma ọ bụ nke funahụrụ gị, ma ọ bụkwanụ maka ọnwụ mberede ma ọ bụ ihe ọghọm, ma ihe ahụ ọ̀ bụ n’ihi na i mere ihe e kwuru ebe a gbasara ọrịa ma ọ bụ na i meghị ya, ma ọ bụkwanụ maka nkwa e kwere gị, ihe e kwesịrị ime nke a na-emeghị, ma à gwara anyị gbasara ya ma ọ bụ na a gwaghị anyị.

Ihe Ndị Aka Anyị Na-adịghị na Ha

Ọ bụ Watchtower wepụtara ihe niile dị na jw.org otú a e si dee ya. Anyị anaghị ekwe gị nkwa na ọ ga-adịrịrị otú ị chọrọ. Anyị anaghị ekwe gị nkwa na vaịrọs ma ọ bụ ihe ọzọ na-emebi ihe agaghị abata na ya. Aka anyị adịghị n’ihe ọ bụla mebirinụ n’ihi ihe i ji jw.org ma ọ bụ ihe dị na ya mee ma ọ bụ n’ihi iji ya mee ihe ị na-ekwesịghị ime, ya akpatara gị nsogbu ma ọ bụ mee ka ego funahụ gị.

Ịda Iwu Gbasara Ihe Ndị Ị Ga-eme na Ihe Ndị Ị Na-agaghị Eme

I mee otu n’ime ihe ndị a Watchtower kwuru na ọ bụ ịda iwu, Watchtower nwere ike ime ihe ọ bụla ha ga-emeli n’agbanweghị ikike ndị ọzọ ha nwere. Ha nwere ike ịnapụ gị ikike i ji abanye n’akaụnt gị, mee ka ị ghara inwe ike imepe jw.org. Ha nwekwara ike ịgwa ndị na-ahụ maka Ịntanet gị ka ha ghara ikwe gị mepee jw.org. Ha nwekwara ike ịgba gị akwụkwọ maka ya.

Ịgbanwe Ihe

Watchtower nwere ike ịgbanwe ihe e kwuru ebe a mgbe ụfọdụ. A gbanwechaa ya, ụbọchị ọ bụla ị banyere n’akaụnt gị, ọ pụtara na i kwetara n’ihe ndị ahụ a gbanwere. Biko, na-aga na ya mgbe niile ka ị mara mgbe a gbanwere ma ọ bụ tinye ọhụrụ n’ihe e kwuru gbasara ya ebe a.

Ihe Gbasara Iwu

Ihe ndị e kwuru gbasara ha ebe a gbasara iwu steeti Niu Yọk dị n’Amerịka, ọ bụrụgodị na o megidere iwu obodo ndị ọzọ. A gbaa akwụkwọ gbasara ya, a ga-ekpe ya n’ụlọikpe steeti ma ọ bụ nke ọchịchị etiti dị na steeti Niu Yọk dị n’Amerịka.

Ihe Ga-eme ma A Kagbuo Ihe Ụfọdụ

Ọ bụrụ na ụlọikpe akagbuo otu n’ime ihe ndị e kwuru ebe a, ọ pụtaghị na ọ kagbuola ha niile. Ndị nke ọzọ ka ga-adịkwa. Ọ bụrụ na Watchtower emeghị ihe ọ bụla gbasara ya, ọ pụtaghị na ha enweghịzi ikike ime otú ahụ.

Nkwekọrịta Niile Gị na Watchtower Nwere

Ihe ndị e kwuru n’Ihe Ị Ga-eme na Ihe Ị Na-agaghị Eme bụ nkwekọrịta niile gị na Watchtower nwere n’ihe gbasara ihe i kwesịrị ime na jw.org. E ji ya dochie ihe ọ bụla ọzọ e kwuburu gbasara ya na jw.org. Lee ihe Additional Terms of Use gbasara otú i si abanye n’akaụnt gị.