Kondisyon ed Pangusar tan Totontonen ed Privacy

In-update nen Mayo 15, 2020

IMPORTANTE: DIAD PANGUSAR MOD WEBSITE MI TAN/ODINO DIAD PANGITER MOD SIKAMI NA ANGGAN ANTON PERSONAL YA DATA TUNGKOL ED SIKA, MALINEW YA ONAABULOY KA YA AMIN A PERSONAL YA DATA YA IN-SUBMIT MO ET SARAG MIN I-PROCESS ED PARAAN TAN GAGALA YA ADESKRIBE ED SAYAN TOTONTONEN ED PRIVACY TAN BILANG PANUMBOK ED SARAY ONAPLIKAN LEY TAN REGULASYON ED PERSONAL YA DATA.

Saray Totontonen ed Privacy

• Panrespeto ed Privacy
• Impormasyon ed Data Controller
• Seguridad na Data tan No Panon Itan ya Pansiasiansiaen ya Kompidensyal
• Saray Menor-de-edad
• Saray Third-Party
• Panangipaamtad Saray Pananguman ed Sayan Totontonen
• Active Scripting odino JavaScript

Nengnengen met so

• Sankamundoan ya Totontonen na Saray Tasi nen Jehova Parad Proteksion na Data
• Sankamundoan ya Totontonen ed Panangusar na Personal ya Data
• Sankamundoan ya Totontonen ed Panangusar na Saray Cookie tan Miparan Teknolohiya

PANRESPETO ED PRIVACY

Gagawaen mi anggaay nayarian min protektaan tan respetoen so privacy yo. Nabasa ed sayan Totontonen so gagala na personal ya data ya aalaen mi odino iiter yod sikami, ya ipro-process mi ed website mi. Pansiasiansiaen min kompidensyal iray pigaran impormasyon tungkol ed sikayo no onla kayod website mi tan ipapasen min importante ya pansiansiaen so seguridad na saratan ya impormasyon tan ipapaamta mid sikayo no antoy gawaen mi ed saratan. Sikay mandesisyon no iter mod sikami iray impormasyon ya ipapasen ya personal ya data. Say terminon “personal ya data” ya nausar ed sayan Totontonen et ontutukoy ed saray impormasyon a singa say ngaran, e-mail address, address, numero na telepono, odino arum nin data ya nausar a pakabidbiran ed sika. Agla kaukolan so pangiter moy personal ya impormasyon no onla kad saray page na sayan website ya parad publiko. Kaiba ed tutukoyen ya “website” iyan mismon website tan arum nin website mi, a singa say apps.jw.org, ba.jw.org, stream.jw.org, tan wol.jw.org.

IMPORMASYON ED DATA CONTROLLER

Sayan website et kayarian na Watchtower Bible and Tract Society of New York, Inc. (“Watchtower”), sakey ya korporasyon ed New York ya aliwan parad negosyo tan onsusuporta ed saray aktibidad na Saray Tasi nen Jehova tan ed gagawaen dan panagbangat na Biblia. No nandesisyon kan man-open na account, mangiter na donasyon, man-request na panagaral na Biblia ya anggapoy bayar, odino antokaman so gawaen mon mankaukolan ya iter moy personal ya data, onaabuloy ka sirin ed sayan Totontonen, pati ed pangi-save mid satan ya data ed saray server ya walad United States of America tan ed pangala, pan-process, pangi-transfer, tan pangi-save ed personal a data ya inter mod Watchtower tan saray mitutulongan ya organisasyon ya onsusuportad Saray Tasi nen Jehova ed nanduruman bansa, tan gawaen mi labat iratan no kaukolan pian na-process so request mo. Say relihyoson organisasyon mi et walaan na saray nanduruman lokal ya ahensia ed interon mundo. Pian naprotektaan iray data, nayarin kaibad saraya iray lokal ya kongregasyon, branch office, tan arum nin mitutulongan ya organisasyon na Saray Tasi nen Jehova.

Nanduruma iray data controller parad inter mon personal ya data, depende ed no antoy gawaen mo ed website. Singa bilang, no mandonasyon ka ed sakey a legal ya ahensia mi diad sakey a bansa, say ngaran tan contact information mo so iter ed satan ya legal ya ahensia pian usaren itan legan kan mandodonasyon. Sakey nin alimbawa, no man-request kay panagaral na Biblia, say ngaran tan contact information mo et iter ed sakey a branch office tan kongregasyon na Saray Tasi nen Jehova pian nagawaan so request mo.

No labay moy patulongan, tan no diad bansan panaayaman mo et walay ley parad proteksion na data, nia so link ya pakaromogan mod contact information ed bansan panaayaman mo: Saray contact parad Data Protection.

SEGURIDAD NA DATA TAN KOMPIDENSYAL

Seryoso kami ed seguridad na inter mon data tan ed no panon min pansiasiansiaen itan ya kompidensyal. Manguusar kami na saray sankabaloan ya technique ed seguridad tan panag-store na data pian naprotektaan so inter mon personal ya impormasyon ed ag-autorisadon pan-access, aliwan panangusar o pangipaamta, ag-autorisadon pan-edit, ilegal ya paneral odino aksidentin pakabalang ed data. Amin ya man-process ed inter mon personal ya data tan anggan anton third-party ya pangaalaan mi serbisyo pian i-process so inter mon personal ya impormasyon et obligadon pansiansiaen ya kompidensyal so inter mon impormasyon. Saray inter mon personal ya data et ire-retain mi labat anggad nakaukolan parad gagala na impangala mid satan odino pian natumbok iray onaplikan ley parad panag-report odino saray kakaukolanen parad pan-retain na dokumento.

No ise-send so personal ya data, proprotektaan mi itan diad panguusar mi ed saray encryption protocol a singa say Transport Layer Security (TLS). Manguusar kami na saray computer system ya limitado labat so maka-access tan walad saray lugar ya uusaran na pisikal tan elektronikon paraan ed seguridad, tan wala ray procedure ya tutumboken pian naprotektaan so impormasyon ya ise-send ed sikami. Istrikto iray estandarte mi parad seguridad pian napaliisan iray ag-autorisadon pan-access.

SARAY MENOR-DE-EDAD

No ipapasen kan sakey a menor-de-edad ed bansa ya kawalaan mo tan onla kad website mi, nayarian mo ya i-submit ed sayan website so personal ya data tungkol ed sika no iyabuloy labat na (saray) ateng odino guardian mo. No sakey kan ateng odino guardian tan abuloyan moy sakey a menor-de-edad ya i-submit ed sayan website so personal ya data to, mipakna ka sirin ed sayan Totontonen nipaakar ed pangusar na menor-de-edad ed sayan website.

SARAY THIRD-PARTY

No maminsan, sayan website et walaan na saray link ya onlad third-party ya mangiiter na serbisyo parad sikami (singa bilang, say panfill-up ed saray online form). Naamtaan mo ya wala kad third-party ya website lapud duma so itsura na satan tan nasalatan so walad address bar na browser mo. No manpipili kami na saray third-party, iche-check mi iray totontonen da ed privacy tan saray totontonen da ed proteksion na data pian naseguro ya mipara so estandarte ra ed saray uusaren min totontonen, tan regular min gagawaen iya. Balet, sarayan third-party ya website et mangitatarya na saray app tan serbisyo ya say programming, kondisyon ed pangusar, saray totontonen ed privacy, tan maslak iran totontonen to et agmi kontrolado. Lapud saya, no usaren mo iray app tan serbisyo na third-party, kaukolan mon tumboken so kaplesan ya totontonen ed pangusar tan arum nin totontonen ya ginawa da. Agmi amta no anto ray iya-update da kanian ipangasin rebyuen iray totontonen antis mon usaren so serbisyo na third-party. No wala ray tepet mo nipaakar ed saray totontonen na third-party, nengnengen so totontonen ya walad website da.

No usaren mo so serbisyo na Google Maps ed sayan website, kaukolan mon tumboken so kaplesan ya Google Privacy Policy. Say Google et sakey ya third-party ya saray app, programming, tan Terms of Service to et agmi kontrolado. Lapud saya, no usaren mo so serbisyo na Google Maps ed sayan website, kaukolan mon tumboken so peles ya Google Maps/Google Earth Additional Terms of Service. Agmi amta no anto ray iya-update da kanian ipangasin rebyuen iray totontonen antis mon usaren so Google Maps. Agmo uusaren so sebisyo na Google Maps no agmo labay ya unoren iray totontonen.

PANANGIPAAMTAD SARAY PANANGUMAN ED SAYAN TOTONTONEN

Tuloytuloy min papaaligwasen tan aaruman na saray balon function tan feature iyan website, tan papaaligwasen tan aaruman mi iray dati lan serbisyo mi. Lapud sarayan pananguman, pati saray pananguman ed ley tan ed teknolohiya, sagpaminsan et manguman met iray regulasyon tan technique mi ed data. No kaukolan ya umanen so Totontonen mi, i-post mi iray pananguman ed sayan page pian lanang mon naamtaan no anto ray impormasyon ya aalaen mi tan no panon mi iratan ya uusaren.

ACTIVE SCRIPTING ODINO JAVASCRIPT

Manguusar iyan website na scripting pian mas na-improve iray function na website. Panamegley na sayan teknolohiya, maples a makapangiter iyan website na impormasyon ed sika. Agbalot usaren na sayan website so scripting pian man-install na software ed computer mo odino mankolekta na impormasyon ed sika.

Kaukolan ya aka-enable so active scripting odino JavaScript ed browser pian duga so iyandar na arum a parte na sayan website. Diad dakel a browser et sarag mon i-set ya i-enable o i-disable parad espisipiko iran website. Lukasan so Help documentation na browser pian naamtaan mo no panoy pan-enable ed scripting parad pinilim iran website.